|
اصالت – اصالتي سئومك
زهره علي‌اكبري
گون آچيلدي. گونش قارانليغي شهرين اوزه‌رينه گون ساچدي، آنجاق هر گون كيمي شهر ايشيقلانمادي. بو شهرين گئجه-گوندوزو فرقلي دئييلدي. گئجه‌لر ده، گوندو‌ز‌لر ده قارانليقدايدي. آنجاق شهرين خالقي‌دا قارانليغا اينانيب، ايشيغا اينانجلاري يوخويدو. اصلن ايشيق كؤكدن بو شهرده اونودولموشدو. شهر خالقي بو دوروما عادت ائديب، اؤز ايشيق‌سيز ياشام‌لارينا داوام ائديرديلر. هئچ كيم ده ايشيق‌سيزليغين عيللتيني آختارماغا ماراق يوخويدو. هئچ گونشده ده ماراق يوخويدو! تام گوجويله چاليشيب شهري ايشيقلانديرسين. گون‌لرين بيرينده بير اوزاقدان گلن كؤچري قوشون سؤزو بتر گونشه توخوندو. قوش، گونشي سئوگي‌سيزليگه متهم ائده‌رك شهرين قارانليقدا قالماغيني اوندان بيليردي.
گونش بو سؤزو ائشيدندن بري، نئجه شهرين ايشيقلي اولا بيله‌جه‌گينه فيكيرله‌شيردي. آنجاق بير گئجه اؤزونه سؤز وئردي؛ يارين تام وجودوندا اولان ايشيغي‌ني شهره ساچسين. بلكه قارانليقلي شهر، ايشيقلي شهره چئوريلسين.
يارين سحر شهر ايشيق ايله دولوب داشدي. آنجاق گونشي داها گؤره بيلميردي.
***
اينانج: باور، اعتقاد
دوروم: وضعيت
ماراق: علاقه
كؤچري: مهاجر
يارين: فردا
تام: بوتون، هامي
ائل گونو - تير 1391
|
