|
چؤره‌گه چيخما
امضا: فرهنگستانچي
هر كيمسه ايشچي ايشله‌ديب او بيلر، البته آرزيميز بودور هئچ كيمسه‌نين ائوينه بو گونكو حالدا، اصلن هئچ حالدا، بئل-كولونگ گيرمه‌سين. هله گيرمه‌سي يوخسا گيرمه‌مه‌سي ايله ايشيميز يوخ‌دور، كيم دئيير ايشيميز وار؟! ايشيميز يوخ‌دور، سؤزوموز كي وار. سؤزوموز بودور: ايشچي ائوده، باغدا، بئله بير يئرلرده ايشله‌ينده بير چؤره‌گه چيخار. ايندي چؤره‌گه چيخاندا ايش ياتار دا! مثلن بير نفر زنگ وورار ايش يييه‌سين‌دن سوروشار، ايش نه يئرده‌دير؟ ايش يهه‌سي دئير: هئي... پيس دئييل، هله ايشچي‌لر چيخيبديلار چؤره‌گه.
آمما بو چؤره‌گه چيخماق هارادا ايشله‌نيب بيزه يارديم يئتيره بيلر؟ اوخويون بيلين دا!
هامي خالق يا هئچ اولماسا تيلويزيونا باخان‌لار بيليرلر كي بو گون‌لر سريال‌لار آراسيندا يوخسا آز قاليب سريال باشلانا، بازرگاني پيام‌لاري گؤسته‌ريرلر. اصلن دئمك اولار تيلويزيون بوتون «پيام‌هاي بازرگاني» اولوب، ايشيميز يوخ‌دور. ياخشي ائله دؤيلتي‌ديرلر. سؤزو اوزاتماياق. بيز ايسته‌ييريك، پيام‌هاي بازرگاني يئرينه «چؤره‌گه چيخما»ني ايشله‌دك. سيزه ده دئييريك ايشله‌دين! مثلن سريال آراسيندا پيام‌هاي بازرگاني‌يه چيخديلار، داها دئمه‌يين پيام‌هاي بازرگاني‌يه چيخديلار؛ چوخ راحاتجاسينا دئيين چؤره‌گه چيخديلار، چؤره‌گه چيخيبديرلار. هله بير سريال باشلاياندا ييرمي (20) ديقه ايله ده ال چكمه‌ييرلر، بورادا دئيه بيلرسيز: ائله چؤركده‌ديرلر، هله گلمه‌ييبلر ايش باشينا! سيز بو چؤره‌گه چيخمادان چوخ زادلار جورله‌يه بيلرسيز، قاليب باش بئينيزين ايشلهمهسينه. بيز بير بئله دئيه بيلديك. هله‌ليك.
***
ديقه: دقيقه
|
